拍Youtube為何？

以前一直有放自己d生活片，或者一d演唱會嘅精華片段上youtube。但都係私人性質，俾自己睇返。

之後學下剪片，發覺自己係handle到d基本技巧。再睇下人地d片，無edit一take過行山都多人睇，覺得自己一定做得好過佢地，所以就開始認真少少製作。結果因為買咗部車，分享好多關於呢架車嘅嘢，所以多咗人訂閱。

喺度多謝咁多位，我d片其實都係自high比較多，估唔到都算有人支持，真係多謝你地。

我目標係一星期出兩條片，當然而家就無咁易啦~盡做。